ആപേക്ഷികം ഓഗസ്റ്റ് 24, 2006
Posted by കൂമന് in തരംതിരിക്കാത്ത.10 comments
നായ വാലിനോട് തട്ടിക്കയറി: നീയെന്തിനാണിങ്ങനെ സദാ ആടിക്കൊണ്ടിരിക്കുന്നത്?
വാല് നായയോട്: അതു ശരി! ഞാനത് നിന്നോട് ചോദിക്കാന് വരുകയായിരുന്നു.
അങ്ങനെ നായും വാലും പന്തീരാണ്ടു കാലം കലഹം തുടര്ന്നു.
വിഭാഗം: നുറുങ്ങു കഥ
പുനര്ജനി ഓഗസ്റ്റ് 24, 2006
Posted by കൂമന് in തരംതിരിക്കാത്ത.16 comments
അരുതിനിച്ചോദ്യങ്ങളെറിയേണ്ട നീ സഖേ
പാടുമോ വീണ്ടുമെന് നൊമ്പരക്കമ്പികള്?
ചോദിക്കയില്ല നിന് പുഞ്ചിരി;വിസ്മൃതി-
ത്താഴിട്ടു; മൌനം പുതച്ചിരിക്കുന്നു ഞാന്
ജനലിനുമപ്പുറം നീ കിതയ്ക്കുന്നൂ
ചൂടുനിശ്വാസമീത്തീതെളിയ്ക്കുന്നൂ
കരിവിഷജ്ജ്വാലയില് ഉയിരു ഞെരിയുന്നൂ.
ധമനികളിലഗ്നിയും പേമാരിയും പെയ്ത
ഗതകാലമൊക്കെയുമൊന്നാകെയോര്മ്മയില്
വരികള് തെറ്റാതിന്നു ചുവടു വയ്ക്കുന്നൂ.
കുന്നിന്റെ ചരിവിലേയ്ക്കന്തി വഴുതുന്നൂ,
ഇരുളിന്റെ തേരേറിയാരോ വരുന്നൂ,
കരളിലൊരു മിന്നല്ക്കതിരു വിടരുന്നൂ,
കാലമൊരു കാറ്റായൊഴുകി നിറയുന്നൂ.
ഒരു ചുംബനത്തിലെന് പ്രാണന്റെ നിര്ഝരി
കവരും കുലീനയെന്നരികത്തിരിപ്പൂ
കുതറിയൊന്നോടുവാന് പിടയുമെന്നാത്മാവില്
ഒരു മണ്ചെരാതിന്റെ തെളിമ നിറയുന്നൂ
അപ്രകാശത്തിന്റെ ചേലയില് തൂങ്ങി ഞാന്
ഉണ്ണിയായ് വിണ്ണില് പുനര്ജനിക്കുന്നൂ
വിഭാഗം: കവിത
